Na sesión de hoxe do club de lectura da familias falamos e lemos a dúas grandes autoras da literatura galega: A narradora Rosa Aneiros coa súa novela Resistencia e a poeta Luísa Villalta ( Letras galegas 2024) coa antoloxía Así vou eu, formando parte ( edición de Eva Veiga e Pilar Pallarés).
O encontro deu moito de si e durante a hora e media que durou puidemos visionar unha presentación sobre os espazos da novela de Aneiros, falamos de amores, de dictaduras, de Portugal, de historia e sociedade e da obra da autora.
Logo puidemos ler unha semblanza da poeta coruñesa (biografía e obra) e cada participante escolleu e leu un poema de Villalta para logo comentalo.
Unha sesión do máis enriquecedora, para a próxima reunión leremos 22 segundos da autora Eva Mejuto, será o 18 de xuño ás 18 horas.
Ningún comentario:
Publicar un comentario