Contacontos de medo no CEIP Campolongo

 Esta mañá o alumnado do club de lectura de 1º de ESO e o alumnado de 1º ESO B participamos na innauguración da biblioteca do IES Campolongo (centro adscrito ao noso IES) cunha sesión de contacontos de medo realizada pola nosa rapazada e dirixida ao alumnado de 4º de primaria.

Unha pequena versión de Un ollo de vidro de Castelao e unha lenda xaponesa sobre os Gunnis constituíron a parte central da nosa posta en escea ademais de pequenos relatos e microrrelatos que foron o deleite dun marabilloso público nun espazo terrorífico maxistralmente ambientado.

Tralos nervios iniciais, o noso alumnado non decepcionou ao auditorio e eles e elas mesmos desfrutaron de poder compartir historias cos moziños e moziñas de 4º na súa antiga escola. Apertas e abrazos, sorrisos e emotivos saúdos ao seu anterior profesorado completaron a sesión.

Grazas ao cole de Campolongo por convidarnos.

Club de lectura de familias

 A semana pasada comezamos os encontros co club de lectura de familias; un total de 17 nais e 2 pais acompañáronnos, aos mediadores (Anxos Rial e David Rodríguez) e ao noso xefe de estudos-lector na primeira reunión na que acordamos a organización do grupo lector, concretamos as lecturas e horarios.

Neste primeiro trimestre leremos  Nuestra Natacha de Alejandro Casona e El complot de las flores de Andrea Ferrari en castelán e en galego leremos O corazón de Xúpiter e Unha estrela no vento de Ledicia Costas, os libros de lectura dos seus fillos e fillas.

Os próximos encontros serán o 14 de Novembro para os pais de 1º e 2º de ESO e o 21 do mesmo mes para os de 3º e 4º de ESO ás 6,30 do serán.

"DEBILIDADE" Luísa Villalta

 

In memoriam Heba Abu Nada (poeta palestina)

 

Que luz estarias a ler? Joao Mésseder e Ana Biscaia.

 En xullo e agosto de 2014, case cincocentas crianzas palestinas morreron polas bombas do exército israelita, na faixa de Gaza. Só 9 anos máis tarde asistimos de novo a unha guerra cruenta da que a rapazada é vítima; nesta plaqueta que imos ler en todos os clubes estes días Kalil, " que gostava dos livros" queda sen escola... 

"Este livro vai daqui a Gaza em nome da literatura (e não só) Há uma escola transformada em escombros, manchas de sangue infiltradas e aquele silêncio depois das bombas. Há um menino levado em braços e uma menina mergulhada em lágrimas que salva livros entre os destroços."

 "Tudo isto é ficção na história de Ana Biscaia e João Pedro Mésseder, mas foi realidade na faixa de Gaza, onde, entre Julho e Agosto de 2014, “quase cinco centenas de crianças palestinas foram mortas pelas bombas do exército israelita”. " https://www.publico.pt/2015/01/18/p3/noticia/este-livro-vai-daqui-a-gaza-em-nome-da-literatura-e-nao-so-1822392

Unha plaqueta "In memoriam" que tristemente volve estar de actualidade.

Club de inglés de 1º de ESO

 

Club 2º ESO: "O bestiario científico de Anxos Nogueirosa"

 O club de 2º ESO é un club de grandes viaxes e grandes lecturas polo que este trimestre van ler " O bestiario científico de Anxos Nogueirosa" de Antonio M. Fraga, todo un reto lector para unha rapazada moi especial. 

Contextualización de "Ti non sabes o que é ser escritora". Visita do profesor Xosé Mª Lores.

 O pasado xoves, no club de 1º de bacharelato recibimos ao profesor Xosé Mª Lores coa fin de contextualizar a obra de relatos que estamos lendo; a publicación da Deputación de Pontevedra titulada "Ti non sabes o que é ser escritora" nace a raíz da sinatura do Manifesto de Soutomaior por unha serie de escritoras no castelo do mesmo nome e arredor deste feito e das loitas polo recoñecemento das liberdades das mulleres foi o tema do faladoiro co profesor.

Lores explicounos os precedentes que deron orixe ao encontro destas mulleres escritoras e como nesta xuntanza se redacta o coñecido como Manifesto de Soutomaior ( 2021) que recolle as denuncias e reivindicacións das mulleres no relativo aos seus dereitos, no eido da escrita e da cultura.

Manifesto de Soutomaior:

 https://www.fegamp.gal/sites/default/files/artigos/descargas/manifiesto.pdf

As autoras deste grupo que asinan os relatos que estamos lendo son dez e estes van acompañados por dez ilustracións de mulleres ilustradoras; narrativa, pequeno ensaio, poesía e imaxes constitúen esta xoia en perfecta maridaxe de texto e imaxe: Isabel Blanco e Luz Beloso, Silvia Cernadas e Celeste Garrido, Mercedes Corbillón e Andrea Jano, Ledicia Costas e María Lapido, Inma López Silva e Lara Lars, Silvia Penas e Andrea López, Arantza Portabales e Blanca Millán, Anna R. Figueiredo e Gloria Pavia, Elvira Ribeiro Tobío e Alba Troiteiro, Rexina Vega e Sofía Venzel.

Este manifesto, o seu texto, aparece recollido nun banco de pedra nun parque a carón do noso instituto: 

The Outsiders. Primeira lectura do club de inglés.

 O club de lectura do Club de 1º de bacharelato de inglés comezou xa coa súa primeira lectura, todo un clásico da lectura xuvenil: The Outsiders de Susan Hilton; un gustazo que recuperemos aos clásicos no noso club de lectura.

Estréase no club de lectura a rapazada de 1º de ESO

 Con gran ilusión recibimos á rapazada de 1º de ESO que se estrea por vez primeira nun club de lectura; leremos Usha de María Reimóndez (autora que é o último Premio Jules Verne) editado por Xerais: 

Botan a andar os clubs de 1º bacharelato

 1º Bacharelato grupo 1 de narrativa en galego: Lemos Ti non sabes o que é ser escritora relatos de varias autoras publicados pola Deputación de Pontevedra.

Club de 1º de bacharelato grupo 2: Lemos Memoria do silencio de Eva Mejuto, publicado por Xerais.