Un "bindi" para USHA

 

Pois así imos despedindo a Usha cun "bindi" (do sánscrito, pinga ou punto) ben divertido e ben colocadiño entre as nosas cellas, alí onde está o sitio da sabedoría; só nos queda unha sesión do libro de María Reimóndez que remataremos na compañía de Tatiana, a profe de plástica, a cal  vainos relatar a súa viaxe pola India. 

Entrevistamos ao historiador Pepe Álvarez. Memoria e lectura.

 

O pasado luns un grupo de mozas dos nosos clubs de 4º de ESO e 1º de Bacharelato puideron entrevistar ao historiador e profesor especialista no tema da represión na Ditadura Franquista,  Pepe Álvarez ao tempo que se gravaba un podcast para participar no programa de Memoria de elefanta (programa municipal de mocidade e Memoria). 

A conversa foi moi construtiva xa que lles aportou moita información sobre os represaliados e represaliadas na nos zona durande a Guerra Civil e posteriormente; faloulles das Asociación pola memoria e do traballo que realizan para visibilizar os casos e axudar ás familias no proceso de recuperación dos restos dos desaparecidos.

" Para poñer en valor algo, díxolles, primeiro hai que coñecelo, ler libros, ver documentais, contactar con asociacións, realizar proxectos en clase... sobre o tema (...) Hai que falar do pasado máis traumático, a Memoria explica o pasado e fai que entendamos o presente"

Pepe Álvarez agasallounos con copias de distintos documentos entre os que se atopaban a carta de despedida de Alexandre Bóveda á súa esposa ou a folla dun diario dunha costureira de Baiona presa na cadea en León. Tamén nos recomendou a que vai ser unha das nosas lecturas: 

Quen escribirá a miña historia? da escritora Iria Morgade Valcárcel recén publicada e que nos relata a historia do campo de concentración do Mosteiro de Oia, dos deseños e mensaxes que alí nas paredes realizaron os presos e dos asasinatos cometidos. 

Grazas mil ao profesor por achegarse á nosa biblioteca e responder ás nosas preguntas. 

Comentamos "O bestiario científico de Anxos Nogueirosa"

 Clicade no seguinte enlace para acceder á información: 

https://saladelecturasc.blogspot.com/2019/01/o-bestiario-cientifico-de-anxos.html

 Antonio M. Fraga preséntanos o espazo e a historia: 

Club de lectura de familias: Encontros de decembro.

 GRUPO 1º e 4º DE ESO

Velloucas e minchas de Lorena Conde:

 https://saladelecturasc.blogspot.com/2020/11/p-margin-bottom-0.html

GRUPO DE 2º e 3º de ESO

Usha de María Reimóndez: 

https://nubedepalabrasc.blogspot.com/2021/11/formando-lectores-criticos-con-usha-de.html

Club de lectura de familias.

 

Estas mans-libro son das nais da nosa rapazada que onte participaron na primeira sesión do Club de lectura de familias.

Analizamos "Unha estrela no vento" de Ledicia Costas e "Nuestra Natacha" de Alejandro Casona, falamos de pandillas e conflitos entre adolescentes, de inclusividade e do mundo que rodea aos seus fillos e saltamos (de libro en libro) a falar de muller e empoderamento nos tempos da 2ª República, da ILE e das Misións Pedagóxicas. 

Tamén houbo un oco para a poesía e escolleron un fermoso poema de Rosalía e outro de Aurora Luque, poeta esta última que non coñeciamos:

O vindeiro martes teremos a reunión coas familias de 1º  e 4º de ESO: