Vídeo da X Xornada dos Clubs de lectura.

Veñen de publicarse os vídeos da X Xornada dos clubs de lectura (Compostela, Xuño 2018) na que participamos, en concreto estivemos representados no obradoiro "sobre como facer un programa piloto, a cargo de Óscar López e máis un grupo de alumnas e alumnos de diversos Clubs de lectura".

Alí estivo Alberto (clubs de lectura de 2ºde ESO) representando ao noso club " Nube de palabras" do IES Sánchez Cantón... e que ben o fixo... cáseque levou el só moitos dos aplausos do público:

"O neno inverno" de María Canosa no club de lectura de 1º de ESO grupo 1.

Resultou moi emocionante acompañar aos rapaces e rapazas de 1º de ESO (grupo 1) que por vez primeira participaban nun club de lectura.

Espectación, sorpresa e ledicia nesta primeira reunión na que da man do profe Juan, o seu coordinador falaron de lecturas compartidas, responsabilidades, agasallos, contratos e boliñas de chocolate para darlle un toque doce ás lecturas.

Presentámoslle a obra que van ler este trimestre "O neno inverno" de María Canosa, adiantándolles un pouquiño do argumento para abrir boca.

Podedes atopar información sobre a novela na seguinte ligazón:

http://editorialgalaxia.gal/o-neno-inverno-de-maria-canosa-valentia-de-ser-fraxil/

 

DEGUSTACIÓN LITERARIA PARA COMEZAR O CURSO LECTOR NOS CLUBS DE 4º DE ESO E 1º BACHARELATO.

Mañá teremos a nosa primeira cita lectora cos clubs de 1º de bacharelato e 4º da ESO cunha actividade lectora moi golosa: 

Unha degustación literaria, unha cata de lecturas e de doces, chocolate, biscoito e unha fermosa selección de lecturas para formar o voso paladar lector, para deleitarmos coa palabra e coa gastronomía.

Ademais recibiremos a visita dunha persoa que comparte con nós o seu amor e a súa sabedoría sobre libros e ensinanza, un encontro que estou certa que será moi especial e deixará unha importante pegada nos nosos hábitos lectores.

Esperámosvos na biblioteca despois da sesión das clases da tarde, con bo ánimo e apetito.

Non poderedes resistir a tentación !!!!!!