Club de lectura de familias

 

Xa estamos en marcha: Clubs de Bacharelato e de 1º de ESO

Club de 1º de ESO E: A balada dos Unicornios de Ledicia Costas.

Club de 2º e 1º de Bacharelato: Onde as pedras teñen alma e A coidadora de outonos, ambas de Fina Casalderrey.

 Fina Casalderrey é candidata ao Premio Hans Christian Andersen (o Nobel da literatura infantil e xuvenil ) e por cuarta ver ao Premio Astrid Lindgren: 

https://culturagalega.gal/noticia.php?id=36837

Club de 1º bach. D: Matilde de Eva Mejuto.

Club de 2º ESO: Dragal de Elena Gallego Abad

Invitámoste ao club de lectura de 2º de ESO:

Os clubs de lectura asisten ao recital poético "Con barqueiro e remador"

 

A apertura das actividades no noso club de lectura non puido resultar mellor pola calidade da actividade (un recital poético plurilingüe internacional) e pola boa acollida que tivo entre o alumnado participante (os club de lectura de literatura galega do século XX e de actualidade e o de 1º de bacharelato E e D).

Esta actividade foi conducida pola poeta Yolanda Castaño e nela que recitaron os seus poemas: Radu Vancu (Romanía), Petar MatoviĆ (Serbia), Nadia Midsuf (Malta), Andrea Cote (Colombia) Martí Sales (Cataluña) , actuando como poeta e tradutor Jesús Castro Yáñez (Galicia). 

Este recital enmarcado dentro do programa "Con barqueiro e remador. XIII Obradoiro de Tradución Poética" dirixido por Yolanda Castaño era a primeira vez que se dirixia a escolares de clubs de lectura e estes souberon estar a altura dos mellores afeccionados á poesía e foron recompensados polos poetas coa súa amabilidade e con estas fermosas imaxes. 

Podedes ver máis fotografías no seguinte enlace da nosa páxina web: 

https://www.edu.xunta.gal/centros/iessanchezcanton/node/1306

Club de lectura 24/25

 

Os clubs de lectura de Anxos Rial Vidal

Memoria gráfica "Nube de palabras 23/24"

 

Encontro literario coa autora Eva Mejuto do club de familias arredor de 22 segundos.

 Nesta ocasión a lectura reuniu ás mamás e aos fillos ( club de 2º de ESO)  nun encontro lector coa escritora Eva Mejuto e que serviu de colofón a este curso lector 23/24.

22 segundos foi a novela que favoreceu este punto de encontro familiar, o tema do tratamento da diversidade de xénero, da transexualidade  e o seu tratamento entre os adolescentes nos centros de ensino foi a porta que nos abriu a autora para debullar nos capítulos da súa novela. A partir da obra tamén as mamás aportaron o seu gran de area falándonos da súa experiencia profesional a respecto do tema, en concreto na sanidade e nos xulgados de menores. 

Agradecemos a Eva Mejuto que nos fixera un oco na súa apertada axenda e fora tan receptiva coas nosas preguntas e comentarios.  E ata aquí esta experiencia de lectura adultos/adolescentes que pon fin ao noso curso lector.