O pasado venres recibimos no centro a visita da escritora Eva Mejuto para participar na nosa posta en común arredor do seu álbum ilustrado "A lavandeira de San Simón" unha obra na que se recupera a memoria daquelas mulleres lavandeiras que lavaban a roupa e facíanlle empanadas aos presos de San Simón.
A conversa foi moi fluída e a nosa escritora deunos claves interpretativas arredor da importancia da simbiose entre texto e imaxe no álbum, sobre a importancia de visibilizar o labor daquelas esquecidas pola historia que cun xesto de moito valor apoiaron e suavizaron o horror dos que alí estaban presos.
Tamén se falou do labor de documentación previo á escrita da historia e do apoio da web que acompaña á edición desta fermosa e conmovedora historia de Teresa a protagonista.
Ningún comentario:
Publicar un comentario