.jpeg)
A respecto da súa traxectoria literaria di que "procura romper moito entre obra e obra, cambiar de rexistro ao escribir"; un encontro moi enriquecedor para a anosa rapazada lectora no que a escritora amablemente déunolo todo, mil grazas Rosa Aneiros.
.jpeg)
Comezamos a sesión coa lectura dun fragmento escollido da nosa novela por Laura e a seguir Cecilia fíxolle un resumo da obra ao investigador para xa logo cederlle a palabra. Ao londo dunha hora a súa exposición divulgativa engaiolonos, falounos do proxecto que alí desenvolveu, de como o presentou, da viaxe ata a Antártida, da súa xeografía, temperatura, condicións de vida, do efecto espello, da organización do xeo e a súa expansión... foi superinteresante ver as imaxes que nos amosou, ver un albatros coma o albatros ferido que viu Olalla Caínzos e poder realizar preguntas que Luís Sampedro contestou con rigor e amabilidade.
E como queremos máis, o noso biólogo, que por certo levou a novela de Rosa Aneiros para ler, prometeunos volver despois das vacacións para falarnos da descomposición das algas e os seus efectos que alí estudou e do seu proxecto actual.
Sentímonos moi agradecidos e agradecidas a Luís pola súa amabilidade que nos conquistou e xa preparamos o próximo encontro ( a ver que impresións nos transmite da lectura da novela).
.jpeg)
Pois xa estamos repartindo os exemplares de lectura da novela xuvenil da nosa querida Rosa Aneiros nos clubs de lectura de 1º de bacharelato, B e C Un amor coma outro calquera, ganñadora do Premio Raíña Lupa 2024. Para ir abrindo boca xa lles deixamos un pequeno adianto sobre elementos narrativos da obra:
E na nosa reunión de hoxe xa fixemos as primeiras imaxes:
.jpg)
O encontro deu moito de si e durante a hora e media que durou puidemos visionar unha presentación sobre os espazos da novela de Aneiros, falamos de amores, de dictaduras, de Portugal, de historia e sociedade e da obra da autora.
Logo puidemos ler unha semblanza da poeta coruñesa (biografía e obra) e cada participante escolleu e leu un poema de Villalta para logo comentalo.
Unha sesión do máis enriquecedora, para a próxima reunión leremos 22 segundos da autora Eva Mejuto, será o 18 de xuño ás 18 horas.
Rosa Aneiros falounos do proceso da escrita, do seu proceso creador mais asegurounos que a Literatura só existe cando nós lemos o libro; para ela non existe unha literatura única senón que cada lector crea o seu propio libro; "o valor da literatura está en quen a le".
Di a escritora que "as liñas en branco son o único que lle quedan das historias que escribe"; comparounos a escrita cun iceberg, o autor sabe moitas máis cousas dos personaxes e as historias que o lector.
Falamos logo dos gustos lectores da rapazada, das sagas literarias, da literatura en galego feita por mulleres e finalmente o noso alumnado realizoulle unhas recomendacións lectoras que ela agradeceu.
O pasado venres, o club de 1º de ESO, grupo 1 de 1º C, tivemos a sesión final de "Xelís, o guieiro das botellas de mar" de Rosa Aneiros e con ilustracións de Andrés Meixide.
Á rapazada do club gustou moito da noveliña, aínda que nalgún momento se sentiron desconcertados xa que no capítulo da botella esperaban unha acción máis rápida e lixeira.
Falamos moito da necesidade que hoxe en día temos de guieiros, de Xelís que se comprometan co medio ambiente e reaccionen para evitar que os plásticos acaben co noso mundo; pensan que é un libro moi necesario e que axuda a concienciarnos de que temos que movernos e perservar o noso medio natural, evitar a contaminación; tamén nos suxeriu a lectura do libro falar da Celulosas e do seu impacto na ría de Pontevedra.
Durante toda a sesión estivemos acompañados dos pequenos Xelís que eles e elas construíron co modelo que se facilita no libro, mirade que lindos Xelís:
